Duh, abi ninyo dali lang dri sa Dubai.. sus intawon dili jud.

Sa sugod, medyo ganahan pako dri pero habang nagadugay, ma feel jud nmo ang kakapoy ug kamingaw. Dli lalim mamuhay dri oi. Ug ang makaluya pag samot, kay kanang sitwasyon (parehas sa uban dri) na tuo sa iyang pamilya sa pinas ky mura mig namunit ug kwarta dri. Usahay malooy pud ko anang uban na magkanda-utang utang dri para lng naa daghan mapadala ky tungod lagi sige pangayo ang iyang pamilya sa pinas. Ang sakit pa dha, murag si kinsa kon muwaldas ang mga miyembro sa pamilya sa pinas ky kuno naa sa abroad iyang mama o papa.

Sus, intawon…kon kabalo lng mo unsa kalisud dri. Tinood dako ang value sa among gihaguan dri dha sa pinas pero grabeng paningkamot ug trabaho ang among gihatag ug gibuhat para lng naay mapadala sa among pamilya nga naghulat sa pinas.

Unta masabtan sa uban, hilabina tong mga nagsalig ug nagpasagad nlng ug gasto sa pinas ky tungod dghang kwarta ang ginapadala ilang mga ginikanan, na ang kwarta na ilang ginadawat.. singot ug dugo ang gipuhunan.

Ug kon isa man mo niani, isa lng jud ang makawala sa kakapoy sa amuang part.. kana mao ang lami na ‘thank you’ na gikan sa inyo ug pag-alala na gimahal mi ninyo.